Myndir frá ættarmótinu

Sælt veri fólkið og takk fyrir síðast.

Ég var beðin að setja hér inn tilkynningu þegar búið væri að setja inn einhverjar myndir frá ættarmótinu. Sigmar Þór hefur sett einhverjar myndir inn og svo var ég að setja inn töluvert af myndum. Sjá tvö ný myndaalbúm hér til hægri á síðunni: Ættarmót 2007 og Ættarmót 2007 - Laufey.

Hér til hliðar má einnig sjá myndband af aflakóngnum Matta Óskars og sjóaranum síkáta Auðunni Jörgens, er þeir fóru saman á Metuna á tjörninni í Herjólfsdal.

Ég held við getum verið sammála um það að þetta heppnaðist einstaklega vel og virkilega gaman að sameinast loksins á svona kvöldum á eyjunni fögru  - svo ég tali nú ekki um að tjútta við alla þessa mögnuðu dansara í ættinni.

Ég þakka kærlega fyrir okkur og sendi nefndinni bestu þakkir fyrir.
Kær kveðja, Laufey Jörgensdóttir
ps. ef einhver vill fá lykilorð til að skrifa á síðunni þá er ég með það - sendið mér tölvupóst á [e-mail].

Toppmæting á ættarmótið - uppfærð dagskrá !

Kæra frændfólk.
Nú styttist óðum í ættarmótið okkar - um 175 manns hafa tilkynnt þátttöku, þar af 120 fullorðnir og 55 börn. Það vantar ekki fjörið í okkur !

Neðangreind dagskrá er nýjasta nýtt:

Föstudagur

(1300 Golf fyrir golfáhugamenn ættarinnar, 9 holu mót – skráning hjá Laufeyju í síma 8950875.)

17:00 Formleg dagskrá hefst með Hestafjöri í Lyngfelli.

19:00 Útigrill við Herjólfsbæinn í Herjólfsdal, aðstaða inni líka.

20:00 Kvöldvaka og varðeldur.

 

Laugardagur

11:00 Mæting við Landakirkju, farið upp í kirkjugarð og létt húsaganga á eftir.

13:00 Tuðruferð – mæting við Kaffi Kró.

16:00 Leikir í Herjólfsdal.

19:30 Matur í Oddfellow húsinu.

21:00 Skemmtiatriði.

22:00 Dansleikur með hljómsveitinni Tríkot.

 

Verð:

5000 kr. á manninn, greitt í Oddfellow húsinu fyrir kvöldmat á laugardag.

Ferming og yngri frítt.

Athugið að ef einhver kemst ekki í grillið – vinsamlegast látið Sigmar Þröst  vita vegna skipulagsmála í síma 8953339.

Endilega fjölmennum - hlökkum til að sjá ykkur.

Nefndin