Frænka okkar í heimsókn

 Seinnipartinn í september s.l. kom í heimsókn til Íslands frænka okkar frá Noregi. Hún heitir Tatjana Grétarsdóttir og kærasti hennar heitir Joacim Paulsen, þau  dvöldu á Islandi í eina viku þar af einn sólarhring í Vestmannaeyjum.  Tatjana er dóttir Grétars Sveinbjörnssonar ( búsettur í Noregi) og búa þau Tatjana og Joacim í Oslo. Hún er 25 ára og hefur einu sinni áður komið til Íslans þá 14 ára.

 

Tatjana Grétarsdóttir og Joacim Paulsen   Kolbrún og Tatjana mátar íslenska Peysu

 

 Kolla, Joacim og Tatjana                         Mynd frá þingvöllum

Um næstsíðustu helgi var farið á þingvöll og að Kerinu, upp að Gullfoss og Geysir, með fænku og kærasta hennar til að sýna þeim þessar perlur íslenskrar náttúru. Það er ekki laust við að maður sé montinn af því þegar maður sýnir fólki Þingvöll í haustlitunum, þó veður hafi verið misjafnt bæði sól og rigning með töluverðum vindi í bland, þá voru Þingvellir ótrúlega fallegir eins og þessi mynd ber með sér.

 

Hér er verið að taka mynd við Kerið          Sigmar Þ. Óskar Friðrik og Magnús Orri við Gullfoss

  

Grétar hringdi frá Noregi og bað dóttirina að kaupa fyrir sig Grímsfiskibollur og var það gert í Nóatúni á Selfossi. Þessari skemmtilegu bílferð lauk með því að ég keyrði þau niður á Eyrarbakka og sýndi þeim Húsið Ós þar sem forfeður okkar bjuggu og er síðasta myndin tekin af þeim Joacim og Tatjonu framan við Ós. Ég held að þau hafi haft gaman að þessum bíltúr þó veðrið hafi ekki verið upp á það besta.

Kær kveðja Sigmar Þór